LAOG CITY – Nakita ti Philippine Coast Guard (PCG) dagiti barko ti China Coast Guard ken People’s Liberation Army Navy iti Bajo de Masinloc kabayatan ti panangiwayat ti Philippine Coast Guard (PCG) ken Bureau of Fisheries and Aquatic Resources (BFAR) ti fuel distribution mission para kadagiti mangngalap a Pilipino.
Iti baet ti pannakakita kadagiti barko ti China iti lugar, nagballigi ti panangiwayat ti Philippine Coast Guard (PCG) ken Bureau of Fisheries and Aquatic Resources (BFAR) iti nasao a misyon nga awan ti aniaman a nagbalin a problema.
Iti aglawlaw ti nasao a lugar, nakita ti Philippine Coast Guard (PCG) aircraft dagiti barko ti China, pakairamanan ti maysa a research vessel, nga agtultuloy a banbantayan ti ahensia.
Kabayatanna, naiwayat ti misyon babaen ti Kadiwa ng Bagong Mangingisda Program tapno maipababa dagiti gastos iti operasion dagiti mangngalap ken mapagtalinaed ti presensiada iti West Philippine Sea.
