LAOAG CITY – Nakita ti eroplano ti Armed Forces of the Philippines ti dua a Chinese military aircraft iti routine patrol iti West Philippine Sea.
Naamoan a maysa kadagiti eroplano ti China ket timmayab iti naka-as-asideg iti saan a natalged a wagas.
Segun ken ni Armed Forces of the Philippines Public Office Chief Colonel Xerxes Trinidad a napasamak daytoy nga insidente idi Oktubre 3.
Nupay kasta, inbatad ni Trinidad a namanehar a makumpleto ti eroplano ti Armed Forces of the Philippines ti panag-patrol-da ken nakasubli nga awan insidente.
Kabayatanna, ti nadakamat nga insidente ket “part of a recurring pattern of unsafe and coercive behavior against Philippine government vessels and aircraft conducting lawful operations.”
Agtultuloy ti Armed Forces of the Philippines iti pannangisayangkat ti routine maritime ken air patrol iti West Philippine Sea.
Kabayatanna, iti met laeng kapada nga aldaw, nilappedan dagiti barko ti China ti law enforcement operation kontra iti foreign fishing vessel a maipagarup nga agur-usar ti dinamita iti asideg ti Pag-asa Island.
Pakairamanan iti operasion dagiti miembro ti Philippine Coast Guard, Philippine Navy ken Philippine National Police Maritime Group.
