LAOAG CITY – Inpetteng ti kampo ni Senator Ronald ‘Bato” Dela Rosa a saana a tinalawan wenno binaybay-an ti opisinana.

Daytoy ket kageddan ti ethics complaints a sangsangoen ti Senador gapu iti nabayagen a saanna a panagserrek iti trabaho.

Segun iti abogado ti Senador, agtaltalinaed a silulukat ti opisina ti Senador, no sadino saan laeng nga agat-atendar ti Senador gaputa mabalin daytoy a maarestar manipud iti inparuk-at nga arrest warrant ti International Criminal Court (ICC).

Maipalagip a manipud idi naudi a tawen ket manmano laengen a makitkita iti publiko ti Senador, no sadinno naudi a nakita daytoy iti panagatendarna iti session idi Mayo.