Umaboten iti nasurok a 100,000 nga indibidual ti nakaparehistron a baro a botante iti Commission on Elections (COMELEC) manipud idi nalukatan ti voter registration idi Nobiembre 10.

Segun ken ni Commission on Elections (COMELEC) Chairman George Erwin Garcia, solsolusyunan a dagus ti komision ti sumagmamano a problema kadagiti registration site, pakairamanan ti kinakurang ti tugaw ken panangikabil ti registration machines iti ground floor tapno mapaalisto ti senior citizens ken persons with disabilities (PWDs).

Kabayatanna, inpaganetget ni Garcia a libre ti voter registration ken panagala ti voter’s certificate.

Ginutigot na pay ti publiko nga idanon iti COMELEC dagiti reklamo no adda ti masingir a bayad para kadagitoy a serbisio.