LAOAG CITY – Inbatad ni Mr. Johnsen Jett Asuncion, Registration Officer 2 iti Philippine Statistics Authority-Ilocos Norte, nga addaan da ti programa a libre nga assistance para kadagiti agkasapulan iti panagparehistro iti birth certificate.
Segun kenkuana, kabinnulig da ti Local Civil Registry Office iti daytoy a programa a mangipaay ti serbisio ken assistance kadagiti kailian a saan pay nakaparehistro.
Mainaig iti daytoy, biroken da dagiti indibidual a saan pay a nakaparehistro wenno awanan ti birth certificate.
Innayon na a kas ti National ID, ti birth certificate ket maysa kadagiti dokumento a napateg a mabalin nga usaren dagiti indibidual iti panangproseso da kadagiti nagduduma a benepisio iti gobierno.
Babaen iti programa, awan ti gastos dagiti indibidual a mangproseso iti registration ket iti pannaka-print iti birth certificate.












