LAOAG CITY – Ad-adalen ti Armed Forces of the Philippines (AFP) ti panaggatang kadagiti long-range weapon system tapno papigsaen ti depensa ti pagilian ken protehiran dagiti sea line daytoy.
Inrakurak ni US President Donald Trump a nagpautang daytoy ti $2-bilyong para iti military ti Pilipinas, katukad ti sumurok-kumurang a P127 bilyon, kabayatan ti panagbisitana iti pagilian.
Mainaig iti daytoy, $400 a milyon ti nakailatang tapno papigsaen ti kabaelan ti military a lappedan ti posible a panagatek iti West Philippine Sea.
Pakairamanan ditoy ti maad-adal a pannakagatang dagiti maaw-awagan kas kinetic weapon system, kas ti missile system, a kabaelanna a tama dagiti target iti adayo a distansia, iti daga man wenno kabaybayan.
Kabayatanna, segun ken ni AFP Chief of Staff General Antonio Nafarrete, a nakapokus ti military kadagiti ramit a kasapulan para iti territorial defense, kangrunaan iti iseserrek dagiti barko ti China kadagiti sea lanes of communication ti pagilian.












