LAOAG CITY – Impetteng ti opisial ti Philippine Coast Guard (PCG) a masapul a saan a makalapped ti nagduduma nga opinion iti pulitika tapno protehiran ti karebbengan ti teritoryo ti Pilipinas.
Segun ken ni Philippine Coast Guard (PCG) Spokesperson ti West Philippine Sea Rear Admiral Jay Tarriela, bayat a makumkumikom dagiti ado a Pilipino ken dagiti nagduduma nga opinion da ket ad-adda met a rumanggas ti gobierno ti China iti panagtagikua iti West Philippine Sea.
Pakairamanan ditoy ti panagasideg manen dagiti barko ti China Coast Guard iti Pag-asa Island a maibilang kas pagtaengan dagiti Pilipino ken paset ti Kalayaan, Palawan.
Dinakamatna pay ti baro a panangriribok dagiti barko ti China iti kabaybayan ti Pilipinas no sadinno a kunana a nairanta ti agsisina nga insidente gapu ta padpadasen ti China no ayanna ti pagpatinggaan ti ambisionda uray pay no labsingenda ti international law.
