LAOAG CITY – Na-monitor ti Armed Forces of the Philippines ti 27 a Chinese vessels iti sumagmamano a paset ti West Philippine Sea manipud Setiembre 1 agingga 7.
Basar ken ni Armed Forces of the Philippines (AFP) spokesperson for the West Philippine Sea Rear Admiral Roy Vincent Trinidad a pakairamanan kadagiti na-monitor dagiti barko ti Chinese Navy wenno People’s Liberation Army Navy ken China Coast Guard.
Iti Ayungin Shoal, maysa a People’s Liberation Army Navy vessel ken uppat a China Coast Guard vessels ti na-monitor.
Iti met Bajo de Masinloc, na-monitor ti uppat a People’s Liberation Army Navy vessel ken 10 China Coast Guard vessels.
Tallo a People’s Liberation Army Navy vessel ken tallo a China Coast Guard vessels ti nakita iti Escoda Shoal ken dua a China Coast Guard vessels ti na-monitor iti Pag-asa Islands.
Kabayatanna, agtultuloy ti tension iti West Philippine Sea gapu iti napalawa a panagtagikua ti China ti nadakamat a kabaybayan pakairamanan dagiti tagikua a paset ti pagilian.
