LAOAG CITY – Ginutigut ni Dr. Hazel Tamayo, ti Teacher Administrator ken agtagikua iti St. Gabriel International Quality Learning Center, dagiti umili iti probinsia nga agenrol iti Micro Credential Course Leading to Caregiving NC-2.
Segun ken ni Tamayo, iti babaen ti pananggundaway dagiti umili ti nasao a training ket maddaan da iti social awareness ken kasta pay iti social responsibility nga agbalin a first aider iti komunidad no adda man dagiti saan a mapakpakadaan a pasamak.
Malaksid iti daytoy, inpakaammo na nga adda pay dagiti ididiaya da a libre nga scholarship kas iti Barangay health services NC2, graphics design NC3, computer servicing NC2 ken ti baro a micro credential course nga Install and Configure Computer System Leading to Computer Servicing NC2.
Nagyaman met ni Tamayo iti opisina ni Congressman Sandro Marcos a nangpondo iti nasao a programa babaen iti Technical Education And Skills Development Authority (TESDA)
Inrakurak daytoy ni Tamayo kabayatan ti panagturpos dagiti 25 a learners iti Micro Credential Course Respond to Emergency Leading to Caregiving NC2.
