Inbatad ni Defense Secretary Gilberto Teodoro Jr., nga adda iti 40 agingga 50 a porsiento laeng ti archipelago wenno dagiti isla a rumbeng a sakupen ti Philippine Army, a saan pay nga umdas para kadagiti logistic operations.
Gapu iti daytoy, kunana a kasapulan nga agipasdek ti kanayonan nga strategic bases tapno mapapigsa ti depensa ti pagilian.
Pakairamanan kadagiti pagkurangan ket ti limitado a naval facilities iti laud a paset ti pagilian, kinaawan ti dockyard ken kasapulan dagiti base iti daya ti kabaybayan.
Dinakamat pay ni Teodoro a possible a saan nga umdas ti kinatibker ti sumagmamano a kalsada ken rangtay para iti panangipatulod ti ramit iti military.
Karamanan dagiti prayoridad a pakailatangan ti Pondo ket ti military exercises, internal security operations iti Mindanao, dagiti aktibidad iti West Philippine Sea ken disaster response.
Iti babaen ti Comprehensive Archipelagic Defense Concept, pinalawa ti Armed Forces of the Philippines ti presensia na kadagiti estratehiko a lugar tapno mapapigsa ti kabaelan ti pagilian nga depensaan ti teritorio ken maritime interests daytoy.
