LAOAG CITY – Inbatad ni Mr. Jefferson Miranda, maysa nga hog raiser, a ti agdama a problema ti probinsia ket ti saan a masursurot a presio ti baboy nu man pay adda naipatungpal nga executive order nga P180 pesos ti presio iti kada kilo ti baboy.
Gapu iti daytoy, namnamaenda ti tignay ti probinsia ken dagiti adda turayna tapno matulungonan dagiti agtaraken ti baboy ken saan a malugi dagitoy.
Dinakamatna pay ti kinarigat a magun-od ti ganansia no ikomparar ti presio ti magastos ti panagtaraken ken iti panaglakoanda.
Kiniddawna a saan laeng dagiti ili ti mangtulong kadakuada no di ket ti pay ti probinsia.
Naamoan a ti maysa kadagiti maibagbaga a rason no apay mapaspasaran daytoy a problema ket ti ‘oversupply’ ti baboy ken ti panaggatang ti imported a karne.
Mainaig iti daytoy, kwinestionaranna ti saan a panangpili ti bukod tayo a produkto ken ad-adda gumatang dagiti residente ti imported a karne kabayatan ti oversupply ti baboy.
Gapu iti daytoy, ad-adda a marigatan dagiti hog raisers ken dagiti meat vendors.
