LAOAG CITY – Nangiparuk-at ni Laoag City Mayor James Bryan Alcid ti maysa nga executive order a maibilang ti aldaw ti Biernes kas ‘Slaughter Day’ no sadinno dagiti laeng hog raisers ditoy suidad ti mapalubusan nga agparti ken aglako iti merkado ditoy suidad.
Daytoy ket wagas tapno matulongan dagiti hog raisers ken meat vendors a makalako a nasayaat.
Iti babaen ti nadakamat a pagannurotan, naipalaon ti rekomendasion ti presio ti live weight ken retail price ti baboy.
Liveweight price:
Pig weight Reference price
100 kg and above ₱180/kg
90–99 kg ₱175/kg
80–89 kg ₱170/kg
79 kg and below ₱165/kg
Kabayatanna, nakaipalaon pay iti dokumento ti prevailing pork retail price a ₱330/kg, price gap reference nga ₱130/kg ken ti recommended retail pork price a ₱310/kg.
Inpakaammona nga iti maysa nga aldaw ket umabot iti sumorok-kumurang 100 a baboy ti makunkonsumo ngem nu kitkitaen, 10 laeng ti kabaelan nga ipaay dagiti hog raisers ditoy suidad.
Nupay kasta, namnamaenna iti babaen kadaytoy a wagas ket magutigot dagiti hog raises nga agaramid ti nagduduma a banag tapno magun-od da amin a kasapulan.
