LAOAG CITY – Pinirmaanen ni Presidente Ferdiand marcos Jr ti executive order mainaig ti pannaikaimplementar ti Artificial Intelligence (AI) Governance Framework ken pannakabukel ti National Artificial Intelligence Council (NAIC).
Ti executive order 131 ket kas maysa a pammilin iti pannakabukel ti pagaladan, formulation, regulatory, coordination, institutional development, capacity-building, ken sumagmamano government measures a kasapolan tapno mapapigsa ti AI ecosystem ti pagilian.
Segun ken ni Palace Press Officer Undersecretary Claire Castro, ti nasao a pammilin ket mangbigbig iti Artificial Intelligence (AI) kas ramit maysa a wagas tapno mapalag-an dagiti Pilipino.
Innayonna a kasapulan nga adda maitulong ti Artificial Intelligence (AI) kadagiti mangmangged, negosio, komunidad, ken sibubukel a pagilian.
Mainaig iti daytoy, kunana a gagem daytoy a mangipatungpal ti responsible, natalged, etikal, ken umdas a proteksion tapno mapagtalinaed ti talek ti publiko.
