LAOAG CITY – Nagusar ti straw ti maysa a lalaki manipod iti Idaho tapno maiyakaw ti 51 a malt balls iti nagbaetan ti dua a bowls iti uneg ti maysa a minuto tapno maburak ti Guinness World Record.
Inbatad ni David Rush, nga akin-iggem ti 200 a Guinness World Records titles, a kabayatan ti panagbasbasa na ti naglabas a record-breaking ket nakita na ti baro a titulo para iti “most malt ball/Maltesers” no sadinno a naiyakar babaen ti panagusar ti straw iti uneg ti maysa a minuto.
Iggem ni British man Jack Welsh, alyas JackSucksAtLife, ti titulo no sadinno a 32 a malt balls ti naiyakar na idi Abril 17 idiay London.
Inrakurak ni Rush a ti first attempt na ket arigna awan pulos ti naaramidan na aglalo iti pannakadingkal na ti bowl a mailabsing ti pagalagadan ti Guinness World Record.
Nupay kasta, saan a napukawan ti namnama ni Rush agingga a kinabaelan a ti nangiyakar ti 52 a malt balls iti nagbaetan ti dua a bowls.
