LAOAG CITY – Naduktalan ti Department of the Interior and Local Government (DILG) iti nauneg nga interes iti darkweb ti shooter nga adda ti likod ti pammaltog iti Banga National High School iti South Cotabato.
Inbatad ni Department of the Interior and Local Government (DILG) Secretary Jonvic Remulla a ti nauneg nga interes ti shooter ket ti nagbalin a rason tapno maimpluwensiaan daytoy.
Segun ken ni Remulla, ti paltog ket kukua ti ama ti shooter a maysa a disaster risk mitigation officer ti Department of Education (DepEd).
Kabayatanna, binallaagan ni Remulla dagiti nagannak a kitaen no ana dagiti araramiden dagiti annak iti social media ket dagiti website a bisbisitaen dagitoy.
