Ngimmato iti 44-month high a 7.8 a porsiento ti inflation iti Oktubre 2026 manipud iti 7.2 a porsiento idi Setiembre, basar iti Philippine Statistics Authority.
Ti October reading ket addaan ti average inflation a 5.6 a porsiento manipud Enero agingga Oktubre ita a tawen. Idinto a 1.7 a porsiento laeng ti inflation idi Oktubre idi 2025.
Daytoy ket gapu iti alisto a panagngato ti presio ti transportasion, housing, danum, kuryente, gas ken dadduma pay a langis.
Naamoan a ngimmato ti transport inflation iti 20.1 a porsiento manipud iti 14.6 a porsiento idi Setiembre. Kabayatan a ti inflation iti housing, danum, kuriente, gas ken dadduma pay a langis ket ngimmato iti 9.3 a porsiento manipud iti 8.4 a porsiento.
Kabayatanna, ti inflation iti National Capital Region (NCR) ket ngimmato ti 5.9 a porsiento manipud iti 5.3 a porsiento idi Setiembre a 2.9 a porsiento idi Oktubre 2025. Idinto a ti inflation iti areas outside NCR (AONCR) ket ngimmato iti 8.2 a porsiento manipud iti 7.6 a porsiento idi Setiembre a 1.3 a porsiento idi Oktubre 2025.
