LAOAG CITY – Inbatad ni Department of Interior and Local Government Secretary Jonvic Remulla nga ipatungpal dagiti otoridad ti Red Notice konta ken ni dati a presidential spokesperson Atty. Harry Roque no daytoy ket mairuar ti Interpol.
Basar ken ni Remulla a nalpasen ti lima a bulan a panawen para iti asylum application ni Roque iti Austria a maipagarup a na-deny ti aplikasionna.
Nupay kasta, naiget a naglikudan daytoy ni Roque ken inawaganna a fake news ti rakurak ni Remulla.
Inpaganetget ti abogado a saan nga otomatiko a kayatna a sawen ti denied ti maysa nga asylum application gapu lawng ti naglabesen iti innem a bulan nga awan decision.
Inpetteng ni Roque a nasubmitiren para iti resolusion ti aplikasionna ken urayenna pay ti opisial a decision ti Austrian asylum authorities.
Segun ken ni Roque nga agingga awan pay pinal a decision manipud kadagiti otoridad ti Austria.
Kunana a maipagarup a nadakes ken manangallilaw ti panangirakurak a na-deny ti asylum application.
