Saanen a kasapulan a dumalan ti maulit-ulit a medical examination wenno mangisumitir ti baro a medical certificate ti persons with disabilities (PWDs) nga addaan ti permanente a rangkap no nairekord wenno napaneknekanen ti kondisyon na iti national database.
Daytoy ti nagbalin a palawag ti National Council on Disability Affairs (NCDA) kas paset ti panangipatungpal ti Unified Persons with Disabilities Identification System (UPWDIS).
Iti babaen ti National Council on Disability Affairs Administrative Order No. 001, series of 2026, maaddaan ti lifetime validity ti Unified PWD ID dagiti addaan ti permanente a rangkap, idinto a mabalin met a kasapulan ti panag-update ti personal nga impormasyon wenno panangberipikar dagiti rekord.
Gagem daytoy a kissayan ti magastos, dokumento ken maulit-ulit a panagturong kadagiti opisina ti gobierno tapno mapaneknekan ti permanente a kondisyon ti maysa a PWD.
Agtalinaed met a valid dagiti saan pay nga expired a PWD ID nga inisyu ti local government units (LGUs) iti uneg ti tallo a tawen a transition period.
Usaren met dagiti agdama a rekord tapno mapaalisto ken makissayan dagiti dokumento a kasapiulan nga isumitir.
Para kadagiti PWD nga awanan ti internet access, pagtalinaeden dagiti LGU ti physical assistance desks, kabayatan a maiyuswat met ti mobile registration kadagiti nasulimek a komunidad.
Immunan a nagpanawagan ni Senador Christopher “Bong” Go a pagbalinen a simple ti proseso tapno saanen a kasapulan nga aggastos ken agsubli-subli kadagiti opisina ti gobierno dagiti indibidwal nga addaan ti permanente a rangkap.












