LAOAG CITY – Imbilin ni Prsidente Ferdinand Marcos Jr ti Department of Education (DepEd), Department of Interior and Local Government (DILG), ken Philippine National Police (PNP) nga i-report dagiti addang nga ipatungpalda tapno papigsaen ti seguridad kadagiti pagadalan.
Daytoy ket kagiddan ti napasamak a pamaltog iti Banga National Hgh School iti South Cotabato a nakatayan ti tallo ken pakairamanan ti agtawen 16 a suspek bayat a 8 met ti nasugatan.
Mainaig itt daytoy, imbilin pay ti Presidente ti naiget nga imbestigason kangrunaanna no kasano a naala ti paltog ti menor de edad ken kasano a naiserrek iti uneg ti pagadalan.
Basar iti lokal a gobierno, maipagarup a naala ti suspek ti 9-mm pitol ti amana manipud iti secured vault.
Kuna ni Marcos a saaa a rumbeng nga agbalin a normal a paset ti biag dagiti estudiante ti school shootings.
Naipasigurado pay ti pannakaipaay ti medical assistance kadagiti biktima, bayat nga agsagsagana ti DepEd ti psychological first aid ken mental health support para kadagiti epktado.
