LAOAG CITY – Nangi-isyu ni Interior Secretary Jonvic Remulla ti baro nga ultimatum para ken ni Senador Ronald “Bato” Dela Rosa.
Binalaaganna ni Dela Rosa ti panagaramat ti kapulisan ti pwersa para iti pannakaarestarna no saan a suruten ti Senador ti deadline nga inpataw ti Philippine National Police.
Maipalagip ti panagpanawagan dagiti lider iti Senado kadagiti otoridad a siguradoen ti natalged ken naannayas a pannakaarestar ken ni Dela Rosa.
Ni Dela Rosa ket manarimaan nga aglemlemmeng kalpasan ti panangiparuk-at ti International Criminal Court (ICC) ti arrest warrant kontra kenkuana gapu iti panagbalinna a PNP chief iti pannaakipatungpal ti nadara a war on drugs idi panawen ti administrasion ni dati a Presidente Rodrigo Duterte.
