LAOAG CITY – Nakadanon ti sumurok 2,500 nga indibidual ti napapatay iti Ebola outbreak iti Democratic Republic of Congo, bayat nga agtultuloy ti insigida a panagwaras ti sakit iti maysa a lugar a nalawlawa pay ngem iti France.
Basar ti United Nations Ebola coordinator Julien Harneis, saanen a makageddan ti response operations gapu ti alisto a panagwaras ti outbreak.
Nagpannawagan pay daytoy ti kanayonan a tulong gapu ta agkurangen iti agdama a pundo ti organisasion tapno masungbatan ti epidemya.
Ti agdama nga outbreak ti maika-17 nga Ebola epidemic iti Congo ken iti maudi a paset ti Hulio no sadinno a nasurokan daytoy ti dati a kadakkelan nga outbreak iti pagilian a manipud 2018 agingga 2020, basar iti bilang ti natamaan ti kaso.
