LAOAG CITY –Kiniddaw ni Senador Bato dela Rosa iti Senate Committee on Ethics and Privileges ti panangibasura ti ethics complaint a naipila kontra kenkuana mainaig iti nabayag a saan na nga iseserrek iti opisina na.
Iti nagbalin a sungbat ti kampo ni Senador dela Rosa iti nasao a reklamo, inpetteng ti agpanpanday linteg a saan nga umanay dagiti affidavit dagiti reklamo tapno mapaneknekan nga adda ti linabsingna iti paglintegan ti Senado.
Mainaig iti daytoy, kwinestionaran pay ti Senador ti madakdakamat a Civil Service Rules mainaig iti nabayag a saan na a panagparang iti trabaho na gaputa saan a sakupen daytoy dagiti miembro ti Kongreso.
Kabayatanna, inlawlawag ni dela Rosa a saanna a personal a maat-atendaran dagiti sesyon gapu iti pangta a mabalin daytoy a maarestar kalpasan a nangiparuk-at iti arrest warrant ti International Criminal Court (ICC) kontra kenkuana.












