Inrakurak ni Ms. Shoreen Manglinong, acting branch manager ti National Food Authority iti Ilocos Norte nga adda ti umdas a suplay ti bagas ditoy probinsia gapu ta malaksid kadagiti nagatang da iti napalabas a panagapit ket agtultuloy latta ti panaggatang da ti irik.
Segun kenkuana, iti agdama ket adda ti stock da a 116, 000 a sako ti irik, idinto a ti milled rice ket umabot met ti 72,000 bags.
Inbatad na nga awan iti nairekord da a naperdi a bagas wenno irik manipod kadagiti stocks da gapu ta dagos a maiwaras dagitoy kadagiti nagduduma nga NFA Offices kas iti National Capital Region (NCR).
Kunana a maus-usar dagiti bagas a mailako iti “Benteng Bigas” programa ti administration ken maibunong pay dagitoy kadagiti relief operation iti gobierno.
Kabayatanna, inpaganetget ni Manglinong nga agtultuloy iti pannakailako ti bagas iti babaen ti nasao a priograma kadagiti kangrunaan a sektor, kas kadagiti senior citizens, solo parent, Department of Education personnel ken dagiti minimum wage earners.
