LAOAG CITY – Nagpirma ti Local Government Unit (LGU) Burgos iti panangidaulo ni Mayor Cresente Garcia ken ti National Food Authority (NFA) ti Memorandum of Agreement (MOA) para iti alisto a panaggatang iti bagas no adda ti kalamidad.
Inlawlawag ti Mayor a gagem daytoy ti nasapa a panagsagana no panawen ti kalamidad wenno no adda ti umay a didigra.
Kunana pay nga kanayon nga ipalagip ti Provincial Government of Ilocos Norte (PGIN) Governor Cecilia Araneta Marcos iti nasapa a panagsagana.
Inbatadna nga iti babaen daytoy ket mapasigurado nga adda latta ti nakasagana a taraon para kadagiti umili ti Burgos.
Innayonna pay a malaksid iti daytoy ket nakasagana pay dagiti heavy equipment da no adda iti napigsa a kalamidad wenno didigra.
Kabayatanna, mangnamnama ti Mayor nga awan met laeng ti aniaman nga umay a kalamidad wenno didigra a mapasaran iti ili ti Burgos ken kasta payen ditoy probinsia.
