LAOAG CITY – Namnamaen ti National Food Authority (NFA) ti panagngato ti presio ti pagay gapu iti manamanama nga iduduprak ti severe El Niño iti pagilian.
Basar ken ni National Food Authority (NFA) administrator Larry Lacson a mabalin nga umabot iti P30 kada kilo manipud iti P27 ti buying price ti nadalus ken dry a pagay iti pagilian kagiddan ti iduduprak ti El Niño.
Inlawlawagna a manamnama a ngumato daytoy gapu iti bassit laeng ti suplay.
Gapu iti daytoy, aginnagaw ti stocks dagiti millers.
Innayonna pay nga addaan laeng ti agingga P30 kada kilo ti inaprubaranda.
Kasapulanda ti makikompetensia iti presio tapno maaddanda ti umdas a suplay ti pagay.
Kabayatanna, namnamaenna ti awan unay negatibo nga epekto ti nadakamat nga El Niño iti pagilian.
