Balligi iti pannakairubwat ti Laoag City Athletic Association (LCAA) Meet iti Ferdinand Edralin Marcos Stadium ditoy siudad ti Laoag.
Kalikagom ti Department of Education – Laoag a magun-od ti maikauppat a panagkampeon da iti Region 1 Athletic Association wenno R1AA no sadinno daytoy ti namunganayan ti campaign slogan da a #biyaheng4peat ita a tawen.
Mainaig iti daytoy, nakipartisipar dagiti nagduduma a pagadalan ditoy siudad tapno madeterminar no siasinno ti agbalin a kampeon iti individual events ken ti mabigbig kas overall champion.
Malaksid iti daytoy, dakkel pay a makatulong ti nadakamat nga event tapno madeterminar no siasinno dagiti maipatulod a makilaban iti Region 1 Athletic Association (R1AA) Meet ita nga tawen
Inbatad ni Mayor James Bryan Q. Alcid a panagballigi ti siudad ti Laoag ket resulta iti sakripisyo ken dedikasyon nga inpaay iti tunggal atleta, coaches, mangisursuro, school heads ken dadduma pay a miembero ti delegasyon.
Kunana a ti achievement t Schools Division Office ditoy siudad ti Laoag ket mangisarming iti agtitipon nga efforts ti sibubukel a team.
Kabayatanna ginutigot ni Schools Division Superintendent Dr. Joann A. Corpuz amin nga atleta nga aramiden da amin a kabaelan da ken ipakita ti displina ken sportsmanship kabayatan ti panagay-ayam iti LCAA.
Innayon na a ti panagkampeon iti maikauppat a gundaway ket saan laeng a panangdependar ti naglabas a titulo nu diket panagipakita ti pigsa, panagkaykaysa, ken teamwork dagiti atleta ditoy siudad.
Kunana a kalikagom da a magun-od daytoy gapu ta ammo na a mano a bolan ti panagsanay dagiti atleta kadwa dagiti coaches da.
Kabayatanna iti opening ceremony naitampok ti parada dagiti partisipante a pagadalan, pannakapasilaw ti athletic urn nga indauloan ni Mayor Alcid, ti raising of school banners, ken ti presentasion ti LCAA Perpetual Trophy.
Malaksid iti daytoy, inatendaran pay dagiti sumagmamano nga opisial iti gobierno siudad pakairamanan ni Congressman Sandro Marcos ti nadakamat a seremonia.
Naitampok pay iti pannagrugi ti LCAA Meet ti Cheer Dance Competition no sadinno nagkampeon ti Ilocos Norte College of Arts and Trades, 2nd place ti Ilocos Norte National High School ken nagun-od met ti 3rd place ti Gabu National High School.
Manamnama nga agngudo wenno agleppas ti Laoag City Athletic Association (LCAA) Meet intono Nobiembre 21, 2026.
