LAOAG CITY – Mamati ni Mr. Hipolito Salva, ti mangidadaulo ti City Sports and Development Office ditoy ciudad ti Laoag a naiget ti panagkikinnammayet dagiti atleta, coaches, trainors, nagannak ken dadduma pay ti nagbalin nga sikreto da tapno magun-od da iti 3 peat a panag-champion ti ciudad iti Region 1 Athletic Association Meet.
Inbatad na a maysa kadagiti nangmentenar iti bilang dagiti balitok a medalya a nagun-od da kabayatan iti Region 1 Athletic Association Meet ket iti gymnastics pakairaman iti athletics.
Kunana a malaksid kadagitoy ket nagballigi da pay kadagiti dadduma nga ay-ayam kas iti taekwondo, weight lifting ken arnis.
Mainaig iti daytoy, kuna ni Salva a manarimaan ti panangiparuk-at da ti isentibo a maipaay kadagiti atleta no sadinno a dagiti nakagun-od ti gold medal ket makaawat ti 3,000, idinto a ti silver ket P2,000 ken ti bronze medal ket P1,000.
Kabayatanna, inrakurak na nga iti agdama ket manarimaan ti panangiplastar da ti listaan dagiti atleta a naala a makilaban iti Palarong Pambansa a maangay idiay Agusan Del Sur .
Immuna iti daytoy, balligi a nagun-od ti SDO Laoag City ti kampeonato iti maikatlo a daras iti kalepleppas a Region 1 Athletic Association Meet 2026.
