LAOAG CITY – Inaprubaran ti Senado ti maikatlo ken maudi a pannakaibasa ti nailungalong a linteg a mangpaiget iti panagusar ti social media dagiti ubbing nga awan pay ti tawen na a 18.
Iti botos a 16-1-0, inpasa ti kangatoan a pagpandayan linteg ti Senate Bill No. 2424 wenno ti Child Online Safety and Protection Act.
Inlungalong daytoy ti Senado tapno protehiran dagiti ubbing manipod iti pisikal, mental, social, ken emosyonal a pakadadaelan da a mabalin nga itunda ti panagusar ti social media platforms.
Ni laeng Senador Risa Hontiveros ti nangkontra iti nasao a nailungalong a linteg no sadinno nga inpetteng na ti kinapateg ti panagusar ti social media iti inaldaw a panagbiag dagiti ubbing.
Inyarig na ti agtawen ti 17 a working students nga agus-usar ti social media para iti online selling kast me dagiti ubbing ngaa adda dagiti nagannak da ket adda iti sabali a pagilian nga aus-usar ti social media tapno makapagsarita da.
Naipalaon iti nailungalong a linteg a dagiti digital platform a saan a sumurot ket mapatawan ti P5 milyon agingga iti P20-M iti kada panaglabsing karaman ti inaldaw a multa a P100-K no saan da ag-comply.
Kuna met ni Senate President Sherwin Gatchalian a ti nasao a nailungalong a linteg ti mabalin a solusyon tapno naan-anay a maisardeng ti maaw-awgan nga online groomers.
Kabayatanna, inbatad met ni Senate Majority Leader Juan Miguel Zubiri a daytoy ket “landmark” bill a kasapulan ti pagilian para iti panangbayabay ken ma-regulate ti panagusar ti social media.
