LAOAG CITY – Kinumpirmaran ni United States President Donald Trump nga awan pay iti plano ti Estados Unidos a mangiwayat ti panagatake iti Iran.
Inbatad ni US President Donald Trump a maad-addaanen ti napintas a kaipapanan dagiti negosasionda tapno malpasen ti rinnupak idiay Middle East.
Innayonna pay nga iti agdama, adda pay laeng iti status quo ti nasao a desision a panagatake.
Ti nasao a panagkomento ni United States President Donald Trump mainaig iti saan pay laeng a panangiwayat ti panagatake ti Estados Unidos ket kalpasan ti pannakitaripnongna iti prime minister ti Qatar.
Nupay kasta, inpetteng ni Trump a kanayon a nakasagana ti Estados Unidos nga inawaganna a ‘Lock and Loaded”.
Maipalagip a bimmisita ni Qatari Prime Minister Shekh Mohammed bin Abdul Rahman AI Thani iti White House, no sadinno nagbalin a naannayas ti panagsaritana ken ni US President Trump para iti pannakaipasardeng ti rinnupak idiay Middle East.
