LAOAG CITY – Inbilin ni Ilocos Norte Electric Cooperative General Manager Perry Martinez nga i-monitor amin dagiti distribution transformers.
Segun kenkuana, daytoy ket kalpasan nga adda dagiti residente nga agriri gapu ta saanen nga umanay kadakuada ti maisup-supply a kuryente manipud kadagitoy a transformer.
Inbatadna a kas paset ti panangannong ti kooperatiba ti serbisio a kasapulan nga ipaayda ket pinakitana amin dagitoy a distribution transformer tapno maammoan no kasapulan a mai-upgrade dagitoy.
Kunana nga adda dagiti dati ket umanay ti 75 Kilo Volts (KV) kadagiti 30 a pagtaengan ngem gapu ta umad-adu dagiti appliances ket agkurkurang.
Innayonna nga adda dagiti dadduma nga isuda ti gumatang ti bukudda a transformer ngem tapno saan a marigatan dagiti member comsumer owners ken paset ti upgrading system ti kooperatiba ket isuda ti makaammo a mangsukat kadagitoy.
