Agtultuloy ti imbestigasyon ti Philippine National Police iti ili ti Sarrat mainaig iti nasarakan a 3.5 grams a maipagarup a shabu, iti sango ti pribado a kamposanto iti Brgy. 18, San Isidro ti nasao nga ili.
Inrakurak ni Police Captain Ashley Cacayorin, ti Chief of Police iti ili ti Sarrat, nga awan pay ti lead da no siasinno ti adda iti likudan ti nasao a pasamak.
Kuna na nga iuyr-uray da paylaeng ti reulat ti laboratory examination tapno maamoan no pudno a shabu dagiti nasarakan iti kamposanto.
Innayon na na nga agtultuloy met ti panangkita ken panangrebisar da kadagiti Closed-Circuit Television (CCTV) a possible a nagdalanan dagiti suspek.
Maipalagip a nakita a mismo dagiti opisyal ti barangay ti nakasupot a nagkarga ti white crystalline substance a napandagan ti bato iti sango ti kamposanto, no sadinno a ti patien ni Police Captain Cacayorin a planado daytoy ken dinakamat na a maibilang a dead drop wenno maysa a transaksion nu sadinno saan a personal nga agkita ti seller ken buyer ti droga.
