LAOAG CITY – Nagtalinaed ti takder ti aktor a ni Coco Martin a saan a sumrek iti lubong ti pulitika iti baet dagiti ado nga imbitasyon kenkuana.
Iti interview ken ni Coco, inbatad na a nabayagen nga adda dagiti mangal-allukoy kenkuana a sumrek iti pulitika no sadinno a tunggal eleksyon ket adda dagiti umas-asideg tapno gutigoten a sumrek iti public service, ngem amin dagitoy ket nagkedkedan na.
Inlawlawag na a saan nga interesado a sumrek iti pulitika gapu ta nakita na no kasanu ti kinarigat ti sitwasyon.
Iti baet a bigbigbigen na dagiti napintas a maar-aramiden ti kaadoan a public cervants, kuna na a mabalin latta a tumulong iti publiko uray awan ti posisyon na iti gobierno babaen iti simple a wagas.
