LAOAG CITY – Inrakurak ni Bombo International Correspondent Isidro Madamba Jr. iti California a dakkel ti agbalin a problema ti Republican, kangrunaan ni US President Donald Trump no ad-ado a democrats ti mangabak ita a Midterm Elections.
Kuna na nga adda pay ti posibilidad na a ma-impeach ti presidente ti Amerika.
Inlawlawag na a kadagiti naglabas nga eleksyon iti Estados Unidos, nakita no kasanu ti kadakkel ti nangitartarayan ti Republican kadagiti Democrats, ngem ita a Midterm elections ket arigna risiris ti laban.
Mainaig iti daytoy, inbatad ni Madamba nga iti agdama ket 36% laeng ti approval rating ni US President Trump idinto a ti disapproval ket 62%.
