LAOAG CITY – Nangiwayat ti indignation rally dagiti miembro ti Partido Demokratiko Pilipino-Lakas ng Bayan (PDP-Laban) iti sangoanan ti Korte Suprema iti Padre Faura Street, Manila.
Daytoy ket para iti insigida a pannakaresolbear kadagiti naitantan a kaso mainaig ken ni dati a Presidente Rodrigo Duterte, pakairamanan dagiti petision para iti habeas corpus.
Segun ken ni Atty. Ferdie Topacio, pannakangiwat ti PDP-Laban, kiniddawda iti Korte Suprema ti pannakaiparuk-at ti desision iti kabiitan a panawen.
Malaksid iti daytoy, kiniddaw pay ti grupo ti pannakaresolbar ti naiwalin a petisionda mainaig met iti kaso ni Sen. Bato Dela Rosa.
Kinunana pay ni Atty. Topacio a kas maysa a miembro ti Partido ti senador, inpettengna ti kasapolan a panagdesision ti Korte Suprema iti petision-da mainaig iti isyu iti warrant of Arrest nga inparuk-at ti International Criminal Court.
