Nagbabawi ni Dean Ralph Sarmiento a sumango kas testigo ti defense team iti panagtultuloy ti impeachment trial ni Vice President Sara Duterte intono Nobyembre 9.
Iti rakurak ni Sarmiento, inbatad na a kalpasan ti naannad a panangikonsiderar na, nagdesisyon a saanen a makipaset iti panagdengngeg.
Inlawlawag na a personal a desisyon na ti panagsanud na tapno mapagtalinaed ti kinawaya ti panagadal ken panagsukisok iti constitutional law, kasta met ti panagbalin a patas dagiti legal a pangirigan ken opinyon na.
Ni Sarmiento ti umuna koma a testigo ti defense team iti impeachment proceedings kontra iti bise presidente.
Iti agdama, saan pay a nalawag no siasinno isukat ti depensa ken ni Sarmiento kas testigo iti sumaruno a panagdengngeg.
