LAOAG CITY – Natiliw ti maysa lalaki babaen ti bileg ti warrant of arrest ng inserbi ti PNP Dingras ken PNP-Mayantoc idiay Tarlac gapu ti sangsangwen na a kaso a panaglabsing ti “Theft” wenno panagtatatkaw.
Nabigbig ti akusado a ni Richard Ceredon, agtawen ti 30, awanan ti asawa, ken residente iti Brgy. Madama, iti ili ti Dingras, ken maibilang a Top 3 most wanted person.
Natiliw ni Ceredon idiay Brgy. Taldiapan, Mayantoc, Tarlac babaen ti warrant of arrest nga inparuk-at ni Judge Conrado Ragucos, iti RTC branch 16 ditoy ciudad ti Laoag ken nairekomendar ti P20, 000 a pyansa para iti temporaryo a pannakawaya-waya ti nasao a suspek.
Nagtalinaed ti kustudyar ti PNP Dingras ti suspek para iti naan-anay a disposisyon kenkuana.
