LAOAG CITY – Maysa nga eksplosibo ti nadiskubre iti lote ni Engr. Consolacion Ulep iti Barangay 24, Sta. Monica, San Nicolas, Ilocos Norte.
Naamoan a nakita daytoy ni Hernold Abad, agtawen ti 28, baro, ken residente met laeng ti nasao a barangay.
Dagus met a nagturong dagiti kameng ti Explosive Ordinance Disposal (EOD) iti Ilocos Norte Police Provincial Office (INPPO) babaen ti panangidaulo ni SPO3 Arnold Juan.
Iti panagturong dagiti pannakabagi ti linteg ket nakita da ti MK2 fragmentation grenade isut gapuna nga innala da tapno maimbestigar no siasinno ti agtagikua ken no naggapwan daytoy.
