LAOAG CITY – Natay ti maysa idinto nga adu ti nasugatan kalpasan a nagdinnungpar ti kurong-kurong ken tricycle iti Brgy. Arua-ay iti ili a Piddig.
Binigbig ni SPO2 Carlos Juan, iti PNP Piddig, ti pimmusay a ni John dela Cruz, agtawen ti 17, pasahero iti kurong-kurong nga inturong ni Marco Zuniga a residente ti Brgy Anao iti nasao nga ili.
Segun kenni Juan, agpapada a nasugatan ti pito a nakalugan iti kurong-kurong nga inturong ni Zuniga
Kuna na a nakadinnngpar ni Zuniga ti tricycle nga inturong ni Mar Cusi a taga Brgy. Anao.
Kritikal ti kondisyon ni Cusi idinto a nasugatan laeng ti pasahero na a ni Jupiter Baptistan agraman ni Zuniga.
Kabayatanna, nairaman met iti desgrasya ni Danilo Tolentino, a taga Brgy Maruaya, ngem awan ti sugat a sinagaba na.
