LAOAG CITY – Inbilin ni Marikina ken House Committee on Appropriations Acting Chairman Rep. Stella Quimbo ti Philippine Health Insurance Corporation (PhilHealth) nga adalen ken ikonsiderar ti gakat ni House Speaker Martin Romualdez a maaddaan ti maysa a moratorium iti premium collections ti ahensia iti baet a sobra ti pundo daytoy.
Inpetteng ni Quimbo, ti PhilHealth ket maysa a social health insurance program ken saan a nasken nga i-generate ti birok ti pundo ket nasken para kadagiti miembro.
Inbatad ni PhilHealth Senior Vice President Israel Pargas nga iti napalabas a tawen ket dumanon iti P195 billion direct premiums ti nakolektar ti PhilHealth.
Inlawlawag ni Quimbo, ti PhilHealth financial standing ket nagtalinaed a napigsa.
Inbilin pay ni Quimbo ti PhilHealth a maaddaan ti nalawag a plano para iti pananggastos ti pundo ken masigurado a maipaay daytoy kadagiti miembro.
