LAOAG CITY – Natay ti 10 a kaipasngay a maladaga kalpasa a nauram ti neonatal intensive care unit ti ospital iti northern India.
Basar kadagiti opisyal, alisto a nagkayamkam ti apoy iti ospital a masarakan iti Jhansi City, Uttar Pradesh.
Ti nasao a ward ket isu ti ayan ti 55 a maladaga nga agpapaagas.
Naisalakan ti 45 a maladaga idinto nga adda ti 16 a sabsabali a nasugatan.
Agtultuloy ti imbestigasyon dagiti otoridad seknan iti insidente.
