LAOAG CITY – Umabot iti 10 a tattao ti natay kalpasan a nauram ti ospital ti gobierno iti daya ti estado ti Odisha idiay India.
Basar iti report, amin dagiti biktima ket pasyente iti nadakamat nga ospital.
Inbatad ni State Chief Minister Mohan Charan Majhi a malaksid kadagiti natay ket adda pay ti 11 nga staff ti ospital a manarimaan a maag-agasan kalpasan a nagsagaba da ti nakaro a pannakauram kabayatan ti pananggandat da a mapan isalakan dagiti pasyente da.
Rumrumuar a namonganay ti napasamak nga uram iti electrical short circuit a nangrugi iti trauma care ICU ti SCB Medical College and Hospital iti Cuttack city.
