LAOAG CITY – Insigida a dimmalan iti panagsanay ni Pinay tennis star Alex Eala para iti round of 16 ti Indian Wells Open idiay California.
Makasango daytoy ti agtawen ti 21 a Czech tennis player a ni Linda Noskova.
Ni Noskova ket ranked number 14 ti Womens Tennis Association ken nagbalin a kampeon ti 2024 Monterey Open.
Maipalagip a nakastrek iti round of 16 ti agtawen ti 20 a ni Eala kalpasan a nagretiro ni world number 4 a ni Coco Gauff gapu iti injury.
Iggemen ni Eala ti lamang iti score a 6-2, 2-0 kalpasan a nagdesision ti American tennis star nga isardeng ti ay-ayam gapu iti ang-angalenna a sakit iti takiag ken abaga.
Nagyaman ni Gauff ken ni Eala gapu iti panangkiddawna ti alisto a panagimbagna.
