LAOAG CITY – Umabot laengen ti sangapulo a kameng ti Philippine National Police (PNP) ti saan pay nabakunaan kontra iti covid-19 ditoy probinsya.
Daytoy ti inbatad ni Police Major Lauro Milan, ti mangidadaulo iti Administrative Resource Management Unit iti Ilocos Norte Police Provincial Office (INPPO).
Segun ken ni Milan, manipod iti nasao a bilang ket adda ti masikog idinto a dagiti dadduma ket addaan ti commorbidities.
Nupay kasta, inpasigurado ni Milan nga apaman nga agimbag dagiti maseknan ket mabalin danton a mabakunaan kontra iti covid-19.
Naamoan nga umabot iti 1,377 ti personnel ti PNP ditoy probinsya ken iti agdama ket addaan pay ti pito nga aktibo a kaso ti covid-19 no sadinno nga innem kadagitoy ket manipod iti PNP-Solsona idinto a maysa ti aggapo iti INPPO.
