LAOAG CITY – Nangipatungpal ti Cybercrime Investigation and Coordinating Center (CICC) ti baro a kampanya kontra kadagiti unregistered online lending platforms kalpasan nga umad-ado dagiti Pilipino nga agbalbalin a biktima iti illegal schemes.
Basar iti rekord, manipod Enero agingga iti Pebrero ita a tawen, nakaawat ti Cybercrime Investigation and Coordinating Center agarop 600 a reklamo, nangatngato no ikompara iti nairekord iti isu metlaeng a panawen idi 2025.
Inpetteng ni Cybercrime Investigation and Coordinating Center Executive Director Renato “Aboy” Paraiso nga iti uneg laeng ti dua a bolan ket umaboten iti nasurok a P8 million ti natakaw iti bulsa dagiti Pilipino gapu kadagiti online lending apps.
Gapu iti daytoy, nagballaag ti Cybercrime Investigation and Coordinating Center iti publiko a liklikan dagiti online promosyon a mangiderderekta kadagiti online lending website.
