LAOAG CITY – Nagtalinaed iti kustodyar iti PNP-laoag dagiti sangapulo nga agsorsorsor nga aglaklako iti “regulator” ti LPG nga addaan ti “gas breaker”.
Segun kenni SFO1 Glen Cabias, ada ti nangipadanun kadakuada nga adda ti aglaklako ti nadakamat a banag iti gatad a 11 a ribo a pisos ken maipagarop nga ususaren da ti nagan ti BFP tapnu makalako.
Nupay kasta, nakumpirmaran ti BFP a dagiti nasao nga aglaklako ket addaan da kadagiti dokomemto kas iti DTI, fire clearance ngem awan ti pirma na, ken ti business permit da ket idiay laeng Sta. Praxedes, Cagayan ti mabalin da a paglakwan.
Kabayatanna, kuna ni Cabias a makikoordinar da iti BFP-Sta. Praxedes tapnu maberipikar no ti kompanya dagiti maseknan ket agop-operar pay laeng.
Mainaig iti daytoy, ipetpetteng dagiti nasao nga aglaklako a saanda a dakdakamaten ti nagan ti BFP iti panaglako da.
Kuna ni Mrs. Marichu Cables, team leader ti nasao a grupo a mabalin nga adda ti sabali a grupo nga aglaklako met manipod sabali a kompanya nga isu ti mangararamat ti nagan ti BFP.
Nupay kasta, itultuloy ti BFP ken PNP ti agimbestigar mainaig iti nasao a pasamak.
