LAOAG CITY – Masdaaw ni Konsehal Jason Perera iti kinabassit dagiti fire hydrants a manarimaan a main-instolar ditoy ciudad ti Laoag isut gapuna nga indasar na daytoy kabayatan ti regular session ti Sang Panlungsod.
Kuna na a basar iti obserbasyon na ket adda dagiti fire hydrants nga atiddog ti tubo na ken agtayg laeng ti 12 a pulgada.
Inbatad ni Perera a saan met a masinunuo ti Bureau of Fire Protection no dagitoy ket proyekto ti gobierno lokal ditoy ciudad, gapu ta uray mismo ti nasao nga ahensya ket masdaaw iti itsura dagiti fire hydrants
Segun kenni Perera, no dagiti fire hydrants ket proyekto ti gobierno lokal ditoy ciudad ket kalikagom da a maamoan no ania ti specification daytoy ken no mano ti nagastos da.
Maipalagip nga iti kallabes ket nangipasa tio konseho ditoy ciudad ti gakat para iti pannakaestablisar dagiti fire hydrants itit nagduduma a paset ditoy ciudad tapno adda ti asideg ken alisto a pagalaan ti supply ti danom dagiti kameng ti Bureau of Fire Protection no adda dagiti mapasamak nga uram kalpasan kadagiti nagsasaruno a fire incidents ditoy ciudad iti kallabes.
