LAOAG CITY – Di kumurang a 10 a tattao ti natay kalpasan a napasamak ti layus ken panagreggaay ti daga kadagiti rehion ti Himalaya iti nagbaetan ti India ken Nepal.
Gapu iti sumagmamano nga aldaw a napigsa a tudo, agarup 2,400 met a turista ti na-stranded iti northeastern Indian state ti Sikkim.
Segun kadagiti otoridad innem a tattao ti natay iti estado ti Sikkim bayat nga uppat pay ti natay iti panagreggaay ti daga iti probinsia ti Koshi.
Kabaytanna, saan daytoy ti umuna a gundaway a napasamak daytoy gapu ta idi napan a tawen sumagmamano a tattao ti natay kalpasan a nalayus ti glacial lake gapu iti sumagmamano nga aldaw a di agsarday a tudo.
