LAOAG CITY – Mangiwaras ti South Africa ti 10 ribo a soldado tapno tumulong iti security operations para iti pannakaiyuswat ti municipal elections a mangrugi iti umay a lawas.
Inbatad ti South African parliament nga adda ti pammalubos ni President Cyril Ramaphosa iti pannakaiwaras dagiti rinibo a soldado ti South Africa.
Gagem daytoy a masigurado ti kinatalged dagiti umili ken seguridad iti aglawlaw kabayatan ti eleksyon.
Naituding nga agbotos dagiti residente idiay South Africa para iti municipal councillors ken mayors.
Mangrugi a maiwaras dagiti soldado intono sabado ken agpaot daytoy iti lima nga aldaw nga agpatingga intono Nobyembre 3 ita a tawen.
