LAOAG CITY – Napagnunumoan ti mayorya a sakbay ti 2028 elections ket patugawen kas umuna a babai a Senate President ni Senador Loren Legarda.
Daytoy ti inrakurak ni Senate Majority Leader Migz Zubiri kalpasan ti panangilawlawagna a saan a term-sharing ti mapasamak iti nagbaetan da Senate President Tito Sotto III ken Legarda no diket maysa nga agreement wenno katulagan a manamnama a mapasamak sakbay ti 2028 elections.
Inbatad ni Zubiri nga ammona ti kabaelan ni Legarda ket “very qualified” daytoy nga agbalin a lider isut gapuna nga inawaganna daytoy ti future Senate President.
Kunana a mapasamak ti panagsukat ti liderato iti panagakarda iti baro a Senate Building iti maudi paset ti 2027.
Inlawlawagna a nangrugi laeng daytoy a maysa a joke wenno angaw idi nagkakaduada iti lounge kabayatan a naka-suspend ti sesyon ngem daytoy ket immannugot ni Sotto ken awan ti kimmontra kadakuada.
Innayon ni Zubiri a nakasagana daytoy nga ipaay ti posisionna kas majority leader iti deputy-na a ni Senador JV Ejercito.
