LAOAG CITY – Inrakurak ni Senator Robinhood “Robin” Padilla iti maysa a post ti Facebook page na nga awan ti plano na nga agpaidasig iti sumaruno nga eleksion intono 2028.
Segun kenkuana, kayat na a makadenna ti pamilia na, aglalo dagiti ubbing paylaeng nga annak na.
Inpasingked na pay a ti kayatna ket maysa a simple nga Islami a biag.
Mainaig iti daytoy, nagyaman ti senador kadagiti papagayam na a mangidurduron kenkuana nga agpaidasig manen iti sumaruno nga eleksyon.
Karaman iti post ti senador dagiti nagan iti politiko a kayat na a makadua ni Bise Presidente Sara Duterte para iti sumaruno nga eleksyon, kas kada senator Alan Peter Cayetano, senator Imee Marcos, senator Bong Go,senator Ronald de la Rosa, senator Rodante Marcoleta, ken Atty. Salvador Panelo.
